Udalekuak urtero udan antolatzen diren umeentzako jarduera-programa direz. Umeek makina bat jarduera egiten dabez: tailerrak, jolasak, ibilaldiak, kirola...

Ekimen honen xedea da astialdia pasetako aukera ludikoa, osasuntsua eta aberasgarria eskaintzea herriko umeei. Era berean, udalekuen beste helduru garrantzitsua, umeen artean euskararen erabilera sustatzea da.

* Udalekuak euskeraz direz.

 

 

2015. urteko Gatikako Udalekuak garagarrilean izango direz (astelehenetik barikura). Garagarrilaren 1ean hasi eta 30ean amaituko direz. Guztira, 22 egun izango direz.

Azpiko irudian ikusi daikete udalekuetako egutegia:

Bi ordutegi eskaintzen direz:

1. Astelehenetik barikura, 10:00etatik 14:00etara
2. Astelehenetik barikura, 9:00etatik 14:00etara (50 ume arte)

 

 

* 2015eko udalekuetan 125 plaza eskaintzen direz.

Urte honeetan jaiotako umeek emon leikie izena: 2002-2011 urteak (biak barruan).

Umeak 4 taldetan banatuta egongo direz. Taldeak bere buru ibiliko direz, eta bakarrik egun gitxi batzuetan batuko direz (jaiak, igerilekuak…). Talde bakotxak bere tokia izango dau, eta baita jarduera-egitaraua bere.

Taldeak holan banatuta egongo direz:

 

Taldeak	Jaiotze urtea	Adina (urteak)	Plazak
A. TALDEA	2011	3-4	30
	2010	4-5
B. TALDEA	2009	5-6	30
	2008	6-7
C. TALDEA	2007	7-8	30
	2006	8-9
D. TALDEA	2005	9-10	25
	2004	10-11
	2003	11-12
	2002	12-13
Guztira			125

 

Era honetara, talde bakotxak ez dauz 30 ume inguru baino gehiago eukiko.


* Taldearen tamaina, Gatikan erroldatutako haurren beharretara egokitzeko aukera egongo da; betiere, gehienezko 125 lagunentzako plaza-kopurua errespetatuta.

 

 

Talde bakotxak bere tokia dauka. Umeak bertan batuko direz goizean, eta era berean, gurasoak edo arduradunak bertara joan beharko direz bila eguerdietan.

Honeek direz talde bakoitxari jagokozen tokiak:

• 1. TALDEA: Ludoteka
• 2. TALDEA: Gaztetxokoa
• 3. TALDEA: Gaztetxokoa
• 4. TALDEA: Udal-gela

Ganera, herriko beste udal-instalazinoakb ere erabilgarri dauz: frontoia, kiroldegiko pista eta kirol gelak, eskolako futbol pista, bedar artifizialezko pista, Urondoko Txokoa… Baita ludoteka eta Gaztetxokoko materiale elektronikoa bere erabiltzeko prest dago filmeak ikusteko, wiira olgeteko, karaokea…