Informazioa

Izapide honen bidez udalerriko biztanleen erroldan bizilekua aldatzeko eskaera egin daiteke.

Errolda udalerriko bizilagun guztien bizilekua eta helbidea helburu administratibo guztietarako ziurtatzen dituen erregistroa da.

Estatuan bizi den pertsona orok ohiko bizilekua duen udalerriko erroldan inskribatu behar du bere burua. Norberak eskubidea du Erroldan agertzen diren berari buruzko datuak jakiteko eta, datuak oker daudenean, horien zuzenketa eskatzeko. Herritarraren datu orokorren edo bizilekuaren aldaketa egiteko, egoera berria beharrezkoak diren dokumentuekin frogatuko da. Herritarrak nahi izatekotan, aldaketak gauzatu ondoren dagokion ziurtagiri edo agiria egiten da.

Baldintzak:

• 16 urtetik gora izatea (gazteagoa izatekotan eta ez emantzipatua, bere legezko ordezkariak egin ahalko du).
• Udalerriko erroldan sartuta egotea.

Dokumentazioa

Izapide honen hirugarren pausuan honako dokumentazioa erantsi behar da:

• Aldaketa-eskaera
• Nortasun-agiria
• Etxebizitzaren dokumentuak
• Besteak
• Errolda-eskaera

Legezko informazioa

• Urtarrilaren 10eko 4/1996 Legea, Toki Araubidearen Oinarriei buruzko 7/1985 Legea aldatzen duena Udal Erroldari dagokionez.
• Toki Araubidearen Oinarriei buruzko apirilaren 2ko 7/1985 Legea.
• Abenduaren 20ko 2612/1996 Errege Dekretua. Toki Erakundeen Biztanleria eta Lurralde Mugaketari buruzko Araudia aldatzen du.
• Toki Erakundeen Biztanleria eta Lurralde Mugaketari buruzko Araudia (uztailaren 11ko 1690/1986 Errege Dekretua).
• 4/2000 Lege Organikoa aldatzen duen azaroaren 20ko 14/2003 Lege Organikoa.

Oharrak

Izapide hau www.gatika.net webgunean telematikoki egin daiteke.

Zalantzarik badaukazu edo informazio gehiago eskuratu nahi baduzu, deitu Gatikako Udaleko telefono honetara: 94 615 12 01.

Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.