Ekitaldi honetan Eusko Jaurlaritzako Hezkuntza, Unibertsitate eta Ikerketa sailburua den Tontxu Campos eta Uribe Butroe eskualdeko zenbait alkate, hala nola Maruri-Jatabekoa edo Arrietakoa, egon ziren.

GATIKA.- (2006-02-19).- Joan den astelehenean, hilaren 20an, garai auzoan dauden bertako eskolaren berriztapena eta eskola-jantokia inauguratu zituan Udalak. Inaugurazio-ekintza honetara zenbait ospetsu etorri dira, hala nola Eusko Jaurlaritzako Hezkuntza, Unibertsitate eta Ikerketa sailburua, Tontxu Campos; sailburuordea, Pedro Otxoa; Ekipamenduen zuzendaria, Mikel Cabello; eta Uribe Butroe eskualdeko zenbait alkate, hala nola Maruri-Jatabekoa, Joseba Alzaga eta Arrietakoa, Miren Torrealdai.

Garai auzoko jantoki berria, Eusko Jaurlaritzako Hezkuntza saileko 60.000 eurotako inbertsioa izan da. Egurrezko etxe aurrefabrikatu bat ipini da, estilo nordikoa du, 80 metro karratu ditu eta 34 ikasle batzeko edukiera du. Iñaki Aginaga, Gatikako alkatea, pozik agertu da ekipamendu berriei dagokienez eta honelaxe adierazi du:
"hobekuntza garrantzitsua da bai gure eskolarako, baita gatikarako ere, aurrekoa zahar samarra baitzen".
Gainera, egungo arautegiak eskatzen dituen irisgarritasun eta espazio betekizun berrietara egokitu da, "lehen frontoian zegoen barrutia estuegia zen eta ez zituen baldintzak betetzen. Hori dela eta, espazio hau sortzeko dirulaguntza bat eskatu genuen" esan zuen alkateak.
Orain barruti hori Eusko Jaurlaritzak kudeatuko du, 2lehen udalak egiten zuen" zehaztu zuen Aginagak. Beraz, jaurlaritzak, baliabide gabeko familiei jantokiko gastuen % 100a subentzionatuko die, lehen udalak berak burutzen zuen ekintza hori.
Toki-eskolako berrikuntza lanei dagokienez, irisgarritasuna eta segurtasuna obetu dira, baita fatxadaren itxura eta barnealdea ere.

Ikasle kopuruaren handitzea.
Lan hau burutzeko beste arrazoietako bat, toki-eskolara D ereduan eskolaurrea ikastera etortzen diren ume kopuruaren pixkanakako handitzea izan da. Egun, eskola honek 36 ikasle ditu. Ikasleok zenbait udalerritatik etortzen dira, adibidez: Lemoiztik, Fruiztik edo Maruri-Jatabetik, "gaur egun masifikatuta dgoen Mungiako Legarda udal eskola alde batera utziz. Honek esan nahi du gauzak ondo egiten ari garela" zehaztu zuen alkateak. gainera, haur etorkizunak gizarteratzeko lan handia egiten dute. "Butroetik etortzen diren Hego amrikako hiru haur dauzkagu, eta gure kulturara ederki egokitu dira, gainera euskara ikasten eta hitz egiten hasi dira. Hori lortzea oso zaila da, beste kultura batzuetatik baitatoz."
Bestalde, Udalbatza Hezkuntza sailarekin akordio batera heltzeko ahaleginak egiten ari da. Gatikako eskolan bertan Lehen Hezkuntzako 1go mailako klaseak eman ahal izateko akordioa da hori, horrela 5 urteko umeek euren ingurunean ikasten jarraitu ahal izango dute eta Mungiako eskolako masifikazioa arintzeko ere aukera paregabea izan daiteke. Ekintza honek GEren (Gurasoen Elkartearen) eta eskolako zuzendaritzaren babesa du. "Enklabe pribilegiatua dugu, baita ibilbide honi aurre egitea bermatuko duten behar beste lokal ere" baieztatu du Aginagak.

Klikatu argazkian handiago ikusteko